Storstilt opning av hytta vi skogen
I vår tok leiar i bygdekvinnelaget kontakt med oppvekstsenteret for å høyre om
me kunne tenkje oss ei hytte der me tidlegare hadde ein lavo. Når slike gåvepakker
kjem dinglande i hovudet på oss seier me jo ikkje nei.Fantastisk flott tiltak av
Nissedal bygdekvinnelag!! Me takkar endå ein gong.
Etter mykje dugnad og innsats for å skaffe pengar til hytta måtte me
markere dette med ein skikkeleg fest. Ordføraren kom også på besøk for å stå for den
offisielle opninga.
Me starta frå skulen me naturstig opp til hytta laga av barnehagen.
Klar til avgang. På ein av postane kunne ein kome med framlegg til
namn på hytta. Dette er ikkje gjort kjent ennå.
Hytta er heilt ferdig og klar til opninga.
Her var bål både ute og inne, og skuleungane hadde baka, steikt og koka før
tilstelninga.
Gamle og nye elevar møtte opp.
Taler og gåvedryss. Her er det bygdekvinner frå fylket som overrekkjer kjempepanne
til bruk her oppe.
God stemning og mykje folk.
Så kunne me endeleg fyre opp å kose oss inne i sekskanthytta.
Det følgjer mykje utstyr med til slike hytter, og når den lokale
rosemålaren dekorerer gjesteboka slik er prikken over i`n på plass.
Framsida av hytteboka.
Tilbake til startsida
|